Հանրային պաշտպանի գրասենյակը /կրճատ ՀՊԳ/  հիմնադրվել է Հայաստանի Հանրապետությունում  սոցիալապես անապահով խավերին օրենքով նախատեսված կարգով ու դեպքերում անվճար իրավաբանական օգնություն տրամադրելու համար, Քրեական գործերով և քաղաքացիական առանձին` օրենքով նախատեսված գործերով  պետությունը երաշխավորում է անվճար իրավաբանական օգնություն, որն իրականացվում է ՀՊԳ-ի միջոցով։

ՀՊԳ-ում աշխատող հանրային պաշտպանը փաստաբան է, որը գործում է գրասենյակի ղեկավարի ներկայացմամբ`  ՀՀ Փաստաբանների պալատի նախագահի հետ կնքած աշխատանքային պայմանագրի հիման վրա։ Հանրային պաշտպանը վարձատրվում է պետական բյուջեից օրենքով սահմանված չափով և կարգով։

Քրեական գործերով անվճար իրավաբանական օգնությունն իրականացվում է վարույթն իրականացվող մարմնի որոշման հիման վրա ՀՊԳ ղեկավարի կողմից հանրային պաշտպանի նշանակման միջոցով։  Քաղաքացիական գործերով` անվճար իրավաբանական օգնությունը  տրամադրվում է քաղաքացիների դիմումների հիման վրա ՀՊԳ ղեկավար կողմից  օրենքով նախատեսված դեպքերում և գործերով։

ՀՊԳ-ն ունի 32 հանրային պաշտպանի դրույքով գործող 36 հանրային պաշտպաններ։ Հանրային պաշտպաններից 17-ը աշխատում են Երևան քաղաքում, 19-ը մարզերում։ ՀՀ մարզերում գործում են նաև 1-2 ժամավճարային աշխատանքային պայմանագրերով  փաստաբաններ