ՀՀ Փաստաբանների Պալատ

ՀԱՅՏԱՐԱՐՈՒԹՅՈՒՆ ՓԱՍՏԱԲԱՆՆԵՐԻ ՊԱԼԱՏԻ ԻՐԱՎԱԿԱՆ ՀԱՐՑԵՐՈՎ ՓՈՐՁԱԳԵՏԻ ԹԱՓՈՒՐ ՀԱՍՏԻՔԻ ՀԱՄԱԼՐՄԱՆ ՄԱՍԻՆ

24.03.2017 19:56

ՀՀ փաստաբանների պալատի (այսուհետ՝ Պալատ) իրավական հարցերով փորձագետի (քրեաիրավական մասնագիտացմամբ) թափուր հաստիքի համալրման նպատակով ՀՀ փաստաբանների պալատն առաջարկում է մինչև 2017 թվականի ապրիլի 10-ը [email protected] էլեկտրոնային փոստի հասցեին ուղարկել Ձեր ինքնակենսագրականը (հայերեն և նկարով):

Ներկայացված հայտերը քննարկվելու են երկու փուլով՝ առաջին փուլում ինքնակենսագրականի ուսումնասիրության միջոցով ստուգվելու է թեկնածուի համապատասխանությունը նվազագույն պահանջներին, իսկ երկրորդ փուլում՝ անցկացվելու է հարցազրույց՝ առաջին փուլը հաղթահարած թեկնածուների հետ:

Թեկնածուների համար սահմանված է հետևյալ նվազագույն պահանջները.

  • բարձրագույն կրթություն(իրավագիտություն).
  • MS Word, MS Excel ծրագերի իմացություն, ինտերնետ ռեսուրսներից օգտվելու կարողություն.
  • Անգլերեն և ռուսերեն լեզուների գերազանց իմացություն՝ գրավոր և բանավոր.
  • Հետազոտությունների կատարման, իրավական փաստաթղթերի, վերլուծական նյութերի կազմման հմտություններ:

 ՀՀ փաստաբանների պալատի իրավական հարցերով փորձագետի (քրեաիրավական մասնագիտացմամբ) հիմնական գործառույթներն են՝

  • Պալատի խորհրդի կարգապահական գործերով որոշումների նախագծերի մշակում.
  • Պալատի նախագահի՝ կարգապահական վարույթ հարուցելու, ինչպես նաև կարգապահական վարույթ հարուցելը մերժելու մասին որոշումների նախագծերի մշակում.
  • Պալատին հասցեագրված՝ օրինագծերի վերաբերյալ պալատի կարծիքի նախագծի մշակում.
  • Պալատի անունից ՀՀ սահմանադրական դատարան ներկայացվող կարծիքների (amicus curiae) նախագծերի մշակում.
  • Պալատի ներքին և անհատական իրավական ակտերի, ինչպես նաև իրավական այլ ակտերի նախագծերի մշակման համար անհրաժեշտ հետազոտությունների կատարում և համապատասխան նախագծերի մշակում.
  • Պալատի մասնակցությամբ դատական գործերով անհրաժեշտ դատավարական փաստաթղթերի նախագծերի մշակում.

Պալատի գործառույթներից բխող այլ իրավական փաստաթղթերի կազմման նպատակով անհրաժեշտ հետազոտությունների կատարում:



Բեռնել

Վերադառնալ