Հարգելի' փաստաբաններ,

Հայաստանի Հանրապետության փաստաբանների պալատը Միջազգային իրավական համագործակցության գերմանական հիմնադրամի (IRZ) հետ համատեղ կազմակերպում է փաստաբանների վերապատրաստման առցանց դասընթաց՝ «Փաստաբանը և հանրային կապերը» թեմայով:

Վերապատրաստման դասընթացի շրջանակներում զեկույցներով հանդես են գալու գերմանացի փորձագետներ՝ փաստաբան և լրագրող Ուլրիխ Հերմանսկին և փաստաբան դոկտոր Ստեֆանի Քունցը, ինչպես նաև ՀՀ փաստաբանների պալատի մամուլի խոսնակ Հայկ Հակոբյանը:

Դասընթացը կազմակերպվում է երկու անգամ (նույն օրակարգը 2 օր)՝ 2020 թվականի օգոստոսի 24-ին և 25-ին, ժամը 11:30-ից 16:30-ն:

Դասընթացն անցկացվելու է վերապատրաստման հատուկ առցանց համակարգով՝ հայերեն և գերմաներեն լեզուների համաժամանակյա թարգմանությամբ:

Դասընթացին մասնակցությունը յուրաքանչյուր փաստաբանի համար կհաշվարկվի 8 (ութ) ակադեմիական ժամ վերապատրաստում: 

Դասընթացի յուրաքանչյուր օրվան (24.08.2020թ. և 25.08.2020թ.) կարող են մասնակցել ոչ ավել, քան 40 (քառասուն) փաստաբան: Նախապատվությունը կտրվի դասընթացին ավելի վաղ գրացված փաստաբաններին: Դասընթացին գրանցվելու համար կարող եք էլեկտրոնային հաղորդագրություն ուղարկել [email protected] էլ. hասցեին՝ նշելով Ձեր անունը, ազգանունը, արտոնագրի համարը և դասընթացի օրը:

ՈւՇԱԴՐՈւԹՅՈւՆ. ԽՆԴՐՈՒՄ ԵՆՔ ԴԱՍԸՆԹԱՑԻՆ ԳՐԱՆՑՎԵԼ, ԵԹԵ ՎՍՏԱՀ ԵՔ, ՈՐ ԿԱՐՈՂ ԵՔ ԴՐԱՆ ԺԱՄԱՅԻՆ ԱՌՈՒՄՈՎ ՄԱՍՆԱԿՑԵԼ ԱՄԲՈՂՋ ԾԱՎԱԼՈՎ:

Առդիր՝ դասընթացի օրակարգը