2013 թվականի հոկտեմբերի 5-ին տեղի ունեցավ Արտաշես Տեր-Հովհաննիսյանի «Ստրատեգիայի արվեստը» թեմայով վերապատրաստման դասընթաց, որը գրավեց ոչ միայն փաստաբանների, այլև դատավորների ուշադրությունը, քանի որ մասնագիտական գիտելիքների և հմտությունների զարգացմանը զուգընթաց' աշխարհընկալման նոր մոտեցումների, ստրատեգիական (ռազմավարական) արվեստին տիրապետելու հմտությունների ձեռքբերումը կարևորվում է ժամանակակից մտածողության մեջ:

Հաշվի առնելով մասնակիցների ցանկությունը, ընդգծելով վերը նշված վերապատրաստման դասընթացի կարևորությունը՝ նմանատիպ դասախոսություններ կկազմակերպվեն նաև առաջիկայում, ինչը հնարավորություն կընձեռի բավարարել փաստաբանների լայն զանգվածների հետաքրքրվածությունը, ապահովել վերջիններիս ներգրավվածությունը (մասնակցությունը) այդ դասընթացներին։