2022 թվականի հուլիսի 15-ին «Փաստաբան Եզեգելյան օժանդակություն» ծրագրի շրջանակներում 80 փաստաբանի հանձնվեցին մեկ տարվա անդամավճարի վճարման վերաբերյալ հավաստագրեր:

     Հանդիսավոր արարողությանը ներկա էին ՀՀ փաստաբանների պալատի նախագահ Սիմոն Բաբայանը, ՀՀ փաստաբանական դպրոցի տնօրեն Արա Զոհրաբյանը, ֆրանսահայ բարերար Ռայմոն Եզեգելյանի կինը՝  Ռագիբ Օռելին,  դուստրը՝ Մարի Եզեգելյանը, շահառու փաստաբանները և այլ հյուրեր:

     Փաստաբանների պալատի նախագահ Սիմոն Բաբայանը ներկաներին ներկայացրեց ՀՀ փաստաբանների պալատի պատվավոր անդամ, Ֆրանսահայ փաստաբան բարերար Ռայմոն Եզեգելյանի հետ համագործակցության երկարամյա ուղին և նրա նվիրական գործունեության կարևորութունը Փաստաբանների պալատի և հայ փաստաբանների համար:

      Շնորհակալություն հայտնելով Ռայմոն Եզեգելյանի ընտանիքին՝ Սիմոն Բաբայանը առողջություն ու երկարակեցություն մաղթեց ֆրանսահայ փաստաբանին, շեշտելով, որ մեծ է նրա ավանդը Փաստաբանների պալատի տարբեր ծրագրերի իրականացման գործում:  

      Փաստաբանների պալատի նախագահը նաև ընդգծեց, որ առկա համագործակցությունը մեծ օժանդակություն է  շահառու փաստաբանների համար:

      Դիմելով բարերար փաստաբանի ընտանիքին՝ իր խորին շնորհակալությունը հայտնեց և Ռայմոն Եզեգելյանին առողջություն մաղթեց նաև ՀՀ փաստաբանական դպրոցի տնօրեն Արա Զոհրաբյանը:

      Արա Զոհրաբյանը նաև հավելեց, որ ֆրանսահայ փաստաբան Ռայմոն Եզեգելյանի շնորհիվ բազմաթիվ գաղափարներ են կյանքի կոչվել ՀՀ փաստաբանների պալատում և Փաստաբանական դպրոցում:

      Միջոցառման ընթացքում շահառու փաստաբաններին հավաստագրեր հանձնեց Ռայմոն Եզեգելյանի դուստրը՝ Մարի Եզեգելյանը:

      Նշենք նաև, որ «Փաստաբան Եզեգելյան օժանդակություն» ծրագրի շահառուները որոշվել են՝ ըստ կարգի նշված առաջնահերթության:

      Բեռնել «80 փաստաբանի «Փաստաբան Եզեգելյան օժանդակություն» տրամադրելու մասին» կարգը.