Այսօր փաստաբանական համայնքի ներկայացուցիչներն այցելեցին Եռաբլուր զինվորական պանթեոն, խնկարկեցին և ծաղիկներ խոնարհեցին Արցախյան 44-օրյա պատերազմում նահատակված Միքայել Դանիելյանի շիրիմին:

Նոյեմբերի 1-ը փաստաբան Խաչիկ Դանիելյանի որդու ՝ Միքայել Դանիելյանի հիշատակի օրն է:

Միքայելն անձնվիրաբար կռվել է Մարտակերտի դիրքերում, պայքարել հայ զինվորին վայել ոգով և հանուն հայրենիքի մարտնչած զինվորի հիշատակը միշտ վառ պիտի մնա ապրողների հուշերում:   

 Միքայել Դանիելյանը հետմահու պարգևատրվել է «Մարտական Ծառայություն» և «Արիության Համար» շքանշաններով:  

Հայրենասիրությունը նաև հայրենիքի համար զոհված հերոսների հիշատակն անմար պահելն է: Փաստաբանների պալատն իր պարտքն է համարում մշտապես լինել գործընկերների կողքին և Փաստաբանների պալատի նախաձեռնության համաձայն  ամեն տարի փաստաբանական համայնքն իր հարգանքի տուրքն է մատուցելու մեր հերոսների ընտանիքներին: