Այսօր՝ Երեխաների իրավունքների պաշտպանության միջազգային օրվա առթիվ, ՀՀ փաստաբանների պալատում կազմակերպվել էր տոնական և հագեցած միջոցառում՝ նախատեսված փաստաբանների երեխաների համար։

Միջոցառումը մեկնարկել է ողջույնի խոսքով, որից հետո երեխաները մասնակցել են հետաքրքիր և ուսուցողական խաղերի, ստեղծագործական և ժամանցային ծրագրերի։

Ծրագրի շրջանակում երեխաների համար շոուներով հանդես է եկել նաև Հայաստանի ռազմական թեքվանդոյի ցուցադրական խումբը: Երեխաները վայելել են նաև ֆոտոխցիկի (Photobooth) հնարավորությունները՝ ֆիքսելով օրվա ամենավառ ու հիշարժան պահերը։

Շնորհավորում ենք բոլոր երեխաներին Երեխաների իրավունքների պաշտպանության միջազգային օրվա կապակցությամբ՝ մաղթելով անհոգ մանկություն, առողջություն և անսպառ ժպիտներ։