Հունիսի 29-ին ՀՀ փաստաբանների պալատում տեղի է ունեցել «Փաստաբանների գրասենյակների միության» համակարգող խմբի առաջին նիստը, որի ընթացքում խմբի անդամները քննարկել են գործունեության առնչությամբ հետագա աշխատանքները համակարգելու և կազմակերպելու վերաբերյալ առանցքային հարցեր:

Կարգի համաձայն hամակարգող խմբի հաստատված կազմի առաջին նիստը հրավիրել է ՀՀ փաստաբանների պալատի նախագահ Սիմոն Բաբայանը։ Ողջունելով նիստի մասնակիցներին՝ Պալատի նախագահը շնորհավորել է համակարգող խմբի անդամներին՝ պատասխանատու առաքելությունն ստանձնելու կապակցությամբ և մաղթել արդյունավետ, կառուցողական ու համախմբված աշխատանք:

Նիստին ներկա է գտնվել նաև ՀՀ փաստաբանների պալատի նախագահի առաջին տեղակալ Հարութ Ակլունցը:

Նշենք, որ «Փաստաբանների գրասենյակների միություն» ստեղծվել է գրասենյակների ընդհանրական շահերի պաշտպանությանը, գրասենյակների ձևավորմանը և ամրապնդմանը, ինչպես նաև միջգրասենյակային կապերի և գրասենյակային մշակույթի զարգացմանը նպաստելու նպատակով, հաշվի առնելով փաստաբանական գրասենյակների առաջարկը: