Արցախյան 44-օրյա պատերազմում նահատակված Լևոն Լևոնյանը` «Նռով տղան», այսօր կդառնար 26 տարեկան

13.08.2026 16:37

Այսօր փաստաբան Կարեն Լևոնյանի որդու՝ Արցախյան 44-օրյա պատերազմում նահատակված Լևոն Լևոնյանի ծննդյան օրն է: Լևոնն այսօր կդառնար 26 տարեկան։

Նա ընդամենը 40 օրվա ծառայող է եղել, երբ սկսվել է պատերազմը։ Նա զոհվել է Կարմիր շուկայի հատվածում, թշնամական ԱԹՍ-ի հարվածից հետո։

ՀՀ փաստաբանների պալատի նախագահ Սիմոն Բաբայանը, Պալատի աշխատակիցները, Փաստաբանական ակադեմիայի և Հանրային պաշտպանի գրասենյակի ներկայացուցիչներն այցելել են Լևոն Լևոնյանի հիշատակի պուրակ, հարգանքի տուրք մատուցել նրա հիշատակին, խնկարկել և ծաղիկներ խոնարհել նրա շիրիմին։

Նշենք, որ ՀՀ փաստաբանների պալատի նախագահի 18.05.2021թ. թիվ 92-Ա որոշման համաձայն սահմանվել են հիշատակի օրեր փաստաբանների զոհված զավակների հիշատակը հավերժացնելու նպատակով: Համաձայն որոշման, ամեն տարի սահմանված օրերին ՀՀ փաստաբանների պալատի աշխատակազմը և փաստաբաններն իրենց հարգանքի տուրքը կմատուցեն զոհվածների հիշատակին: