ՀԱՅՏԱՐԱՐՈՒԹՅՈՒՆ

վերապատրաստման դասընթացների անցկացման վերաբերյալ

12.02.2014թ.

Հարգելի փաստաբաններ,

ՀՀ փաստաբանների պալատի խորհրդի 05.02.2014թ. 3/6-Լ որոշմամբ 2014 թվականի փետրվարի 6-ից ուժի մեջ է մտել Փաստաբանների վերապատրաստման դասընթացներ անցնելու  ժամաքանակը և կարգը:

Տեղեկացնում ենք, որ տարեկան 24 ժամ վերապատրաստում անցնելու հաշվարկը փոխվել է և սահմանվել է հունվարի 1-ից մինչև դեկտեմբերի 31-ը, ի տարբերություն նախկինում գործող մարտի 1-ից մինչև մյուս տարվա մարտի 1-ի։

Վերոգրյալը հաշվի առնելով և նկատի ունենալով այն հանգամանքը, որ նոր ծրագրեր կազմելու և դասընթացավարների ընտրությունը կազմակերպելու գործընթացը դեռ չի ավարտվել, ՀՀ փաստաբանների պալատը

ՀԱՅՏԱՐԱՐՈՒՄ Է, որ՝

-         չեղյալ են հայտարարվում այն վերապատրաստման դասընթացները, որոնք նշանակվել են փետրվարին և դեռ չեն անցկացվել.

-         իրենց ժամաքանակները մինչև 2014թ. մարտ ամիսը լրացնելու անհրաժեշտությունը վերացել է և այն կարող եք լրացնել մինչև 2014թ. դեկտեմբեր ամիսը։

ՀՀ փաստաբանների պալատ